منتديات free4all
يوميات عمر وساره بعد الجواز الحلقة العاشرة Ezlb9t10
منتديات free4all
يوميات عمر وساره بعد الجواز الحلقة العاشرة Ezlb9t10
منتديات free4all
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات free4all


 
الرئيسيةالواجهةأحدث الصورالتسجيلدخول
مواضيع مماثلة

     

     يوميات عمر وساره بعد الجواز الحلقة العاشرة

    اذهب الى الأسفل 
    3 مشترك
    كاتب الموضوعرسالة
    free4all z admin
    Admin
    Admin
    free4all z admin


    ذكر
    الثور
    الديك
    عدد الرسائل : 3461
    العمر : 30
    موقع الإنترنت : free4all.mam9.com
    الهواية : الكمبيوتر و التكنولوجيا
    مدى النشاط بالمنتدى : يوميات عمر وساره بعد الجواز الحلقة العاشرة 31010
    مزاجي : يوميات عمر وساره بعد الجواز الحلقة العاشرة Za7ef10
    العمل : يوميات عمر وساره بعد الجواز الحلقة العاشرة Cook10
    السٌّمعَة : 2
    نقاط : 878
    تاريخ التسجيل : 11/12/2007

    بطاقة الشخصية
    الحقل الأول: 50
    الحقل الأول: 50

    يوميات عمر وساره بعد الجواز الحلقة العاشرة Empty
    مُساهمةموضوع: يوميات عمر وساره بعد الجواز الحلقة العاشرة   يوميات عمر وساره بعد الجواز الحلقة العاشرة Icon_minitimeالخميس سبتمبر 25, 2008 3:14 pm

    الحلقة العاشرة





    مر
    على زواجنا 6 اشهر تقريبا.. الحمد لله مروا على خير ... لكن لا اعرف ما
    هذا الاحساس الذى اشعر به .....احساس بالاعتياد والتعود والركود لا رغبة
    لدى كى افعل شىء جديد بمعنى اخر ما اشعر به هو الملل ...الملل من كل شىء
    فى حياتى الجديدة ....


    هذا لا يعنى انى لم اعد احب سارة بل بالعكس
    اشعر انى احبها اكثر من زمان بعد ما عاشرتها وعرفت رقة طبعها واستحمالها
    لتقلبات طباعى وصبرها على ظروفنا المادية الصعبة ...ولكن احساسى من
    ناحيتها تبدل هذا التوهج الذى كنت أشعر به فى مشاعرى تجاها فتر !! كنت
    عندما أسمع صوتها فى التليفون يدق قلبى وتشعر كل خلية من خلاياى بالسعادة
    ...ولكن الان مكالماتنا التليفونية عندما نبتعد عن بعض سريعة قصيرة لابلاغ
    امر هام او طلب ضرورى ان اشتريه !!


    لم اعد متلهف للقائها مثل زمان وكيف أتلهف وانا أراها طوال اليوم أمامى ؟؟!!!
    أصبح
    حديثنا اليومى أقل من زمان عندما كنا نتحدث طوال الليل حتى نفاجىء بخيوط
    الفجر تداعب وجوهنا بدون ان نشعر ؟؟ والان ملل ملل ملل .....


    ولكنى
    لا اتصور حياتى لحظة بدونها ... وأشعر انها صديقتى التى أعود سريعا لأقص
    عليها كل ما حدث فى يومى فهى تمتاز بصفة لا توجد عند 95 % من بنات حواء
    وهى فن الاستماع بدون لوم ولا تريقة ....حتى لو كانت متأكدة انى مخطىء فهى
    تلفت نظرى بهدوء بعد فترة من الحديث كى لا تشعرنى بخطأى مثل الطفل الصغير
    وتمسك اللى الخرزانة زى الاطفال !! ولا تقول الجملة الخالدة التى تقود اى
    رجل للجنون ( ماهو لو كنت سمعت كلامى ما كانش حصل كل ده !!!)

    طيب
    لماذا أشعر بكل هذا الملل ؟ ؟ ولماذا فتر احساسى بها كحبيبة وفتاة أحلامى
    ؟ أعرف انى أظلمها معى عندما ترانى أقل تلهفا عليها وأرد عليها أحيانا فى
    اقتضاب ....أرى اللوم فى عينيها بدون أن تصرح بشىء ولا تلومنى فى شىء
    .ولكن أعمل ايه ؟؟؟؟؟؟؟؟؟



    مش عارفة عمر متغير من ناحيتى ليه
    ؟ انا بأحاول أرضيه بكل الطرق ولا أهمل فى منظرى أبدا ....وكل طلباته
    أوامر ...طيب حصل ايه هو صحيح مش بيتخانق معايا بس مش عمر بتاع زمان
    .......أشعر انه زهقان من كل حاجة فى الدنيا حتى منى ........طيب أعمل ايه
    ؟ وكل يوم أسأله السؤالين الخالدين ( فيه حاجة يا عمر ؟ ) ( وزعلان منى فى
    حاجة يا عمر ؟ ) والاجابة واحدة لاااااااااااااااااااااااااااأ !!


    طيب
    أرجعه ازاى زى الاول وأرجع أحاديثنا الطويييييييييييييييلة تانى ازاى ؟ هو
    ده بقى الملل الزوجى اللى بيقولوا عليه ؟ وده الخرس الزوجى اللى بيصيب
    الازواج وأعراضه سرحان وبحلقة فى السقف ..والرد على أى سؤال باشارة مبهمة
    لا تعنى شىء والفرجة على ماتشات الكورة حنى لو كان فريق جزر القمر هو اللى
    بيلعب !!!!



    مرة قرأت ان تحريك بحيرة الزواج من الركود
    مسئولية الزوجة ....يعنى جت على دى ومش حتكون مسئوليتها ؟ ماهى كل حاجة
    على دماغها لوحدها .......

    طيب تعمل ايه الزوجة تعمل أراجوز علشان
    ترضى زوجها ؟ بجد حرام كل حاجة عليها ....يا اما يقولوا دى منكدة عليه
    عيشته ومزهقاه فى الدنيا .....خلاص هو حر بقى مش عاوز يتكلم هو حر .....
    بس انا مش عاجبانى الحياة بالشكل ده .وانا كمان ح يتنقل لى احساس البرود
    ده ..ودى عيشة بقى ؟ طيب حاحاول أفكر فى طريقة ........وراك وراك يا عمر ح
    تروح منى فين ؟

    -
    -
    -
    - ايه يا سارة انتى مش رايحة الشغل النهاردة ولا ايه ؟

    - تصنعت الاعياء وانا ارد عليه :لا تعبانة شوية واخدت النهاردة أجازة يا حبيبى ..

    - الف سلامة عليكى تحبى نروح لدكتور ؟

    -
    لا دكتور ايه ؟ ده الظاهر شوية برد ح انام شوية واخد كوباية ليمون وابقى
    كويسة ان شاء الله ....وانا قلت لماما تبعت لى الشغالة بتاعتها تساعدنى
    أصلى مش قادرة اعمل حاجة خالص .......


    - ما تقلقنيش عليكى يا حبيبتى .تحبى أخد اجازة انا كمان؟

    - لا يا حبيبى ....انا ح ابقى كويسة ما تتعبش نفسك مع الف سلامة ....كح كح كح

    وتركنى
    وهو قلقان على بجد .....اه لو لم أكن أعلم انه يحبنى أكثر من اى انسان فى
    الكون كنت قتلت نفسى !! لكن هو الاعتياد على الشىء الذى يفقدك بهجته
    والسعادة به وهل معقول ان الانسان يظل يشعر بالساعة التى يرتديها كل ثانية
    وكل دقيقة ؟ كان سيصاب حتما بالجنون والانهيار العصبى ...انه لا يشعر بها
    الا عندما ينظر لها بعد فترة من تركه لها وانا سأجعل عمر يرانى من جديد
    ....


    فى التاسعة صباحا جاءت الشغالة وكان ورانا انا وهى شغل كثير
    جدا .كنت أريد تغيير نظام البيت كله حتى يشعر عمر انه فى عالم جديد ولكن
    الموضوع ليس سهلا ولكن علشان عيون عمر كله يهون ....

    غيرت مكان الصالون
    ونقلته مكان الانتريه ليكون بجوار البلكونة بجوار الهواء الطلق ..مش مهم
    الضيف يتهووا المهم احنا .... وغيرت مكان التليفزيون ووضعت اتنين من كراسى
    الانتريه متلاصقين بعد ان كانوا كل واحد فى اتجاه كى نجلس عليهم انا وعمر
    ....



    طبعا السفرة لم أجروء على تحريكها لأنها تحتاج بلدوزر
    بشرى يحركها أكيد اللى بيعملوا الفرش دول من كوكب المريخ او فاكرين ان
    العريس هرقليز والعروسة زينة !!! لكنى غيرت الفضيات الموجودة فى النيش
    بأخرى لامعة واضفت لها تحف صغيرة كانت مركونة .....و أخرجت مفرش سفرة جديد
    لم أستخدمه من قبل وفرشته ووضعت فازة كبيرة بها ورود اكثر اشراقا ..... .


    وحجرة
    نومنا غيرت ترتيب كل جزء بها .... السرير مكان الدولاب والتسريحة مكان
    الشوفنيرة وفرشت مفرش يوم الدخلة الذى لم أستخدمه الا لأيام معدودة وعلقت
    صورة زفافنا الكبيرة التى رفض عمر تعليقها فى الصالون .ووعدنى بتعليقها فى
    غرفتنا وطبعا نسى او كسل !! الحمد لله الشغالة موجودة تعيش حياتها هى
    وتعلقها على راحتها ....وأيضا مجموعة من صورنا ايام شهر العسل وضعتها فى
    برواز ووضعتها على الكومدينو ليراها قبل النوم .الله الله أعطت الغرفة شكل
    رائع .....أكيد ح يعجب عمر !!



    وأخيرا حجرة عمر التى يعمل بها
    مشاريعه الهندسية .... لم أرد ان أغير من طابعها الرجالى .... فكان يحتفظ
    فيها بسريره القديم ايام العزوبية ودولابه الصغير قبل ان يتزوج والان يضع
    به اوراقه وكتبه .... وده طبعا لأننا لم نملك وقت الجهاز ان نشترى حجرة
    معيشة او حجرة اطفال جديدة فكان هذا هو الحل ....


    .....طيب اعمل
    فيها ايه ؟ بعد ان قمنا بتنظيفها فكرت فى فكرة جديدة وهى ان أغير كل الصور
    العائلية التى يضعها فى براويز على مكتبه بصور أعز أصدقائه الشباب وأخرجت
    الالبوم سريعا وأخرجت صور أفضل 5 أصدقاء له ووضعتها بشكل بارز له وطبعا
    سيدهش من هذاويقول مراتى اتجننت !!!..... لأن الزوجة بعد زواجها بتحاول
    بشتى الطرق ان تبعد زوجها عن اصدقائه القدامى كى تظل وحدها معه ولا تعرف
    انها بهذا بتخنقه ليهرب منها ويذهب لهم اكثر من الاول !!!!


    خلاص
    أخيييييييييرا انهينا المعركة الحربية وأصبحت الشقة مختلفة تماما وازدادت
    جمالا ...ومشيت الشغالة وهى أكيد بتدعى على وعلى جنانى الرسمى !!


    وبعد
    ان انهيت كل شىء فى الشقة ارتديت ملابسى ونزلت بسرعة للكوافيرة اللى فى
    نفس الشارع والتى قلت زياراتى لها للاسف توفيرا للنفقات واصبحت اعمل شعرى
    فى البيت وخلاص !! وقبل ان أدخل لها اشتريت جريدتنا المفضلة انا وعمر
    والتى كنا نقرأها ايام الخطوبة ونتناقش فى كل مقالاتها ولغبائى لم أعد
    أشتريها بعد الزواج ....له حق يزهق منى طيب ح نجيب كلام نتكلمه منين ؟
    لازم أحداث جديدة نتكلم فيها علشان أجذب انتباهه لى !!


    وطلبت من
    الكوافيرة ان تقص شعرى قصة جديدة وهو ما كنت ارفضه دوما تمسكا منى بشعرى
    الطويل وتسريحتى التقليدية ....فقصت لى قصة جديدة جعلت خصلات شعرى متدرجة
    ومحيطة بوجهى فأظهرت استدراته وزادتنى جمالا واقترحت على تلوين بعض
    الخصلات به فخفت ورفضت... ثم بعد الحاح منها وافقت وتركتها تعمل وانا اقرأ
    فى الجريدة واذا بعمر يتصل بى على الموبيل ياخبر كده المفاجأة حتبوظ لو
    سمع **** الكوافيرة !!!!


    فجريت على الحمام واغلقت بابه على
    باحكام ورديت عليه متصنعة الاعياء وطلبت منه ان يحضر أكل معاه لأنى مش
    قادرة اعمل حاجة خااااااااااااالص !!! والحمد لله لم يلاحظ شىء بل بالعكس
    ازداد قلقا على وندما انه سابنى وانا تعبانة !!!


    ورجعت للكوافيرة
    وجدتها بتصرخ لأن الصبغة مازالت على شعرى.... .بس الحمد لله ربنا ستر ولم
    يطلع اللون بنفسجى !!! بل بالعكس فى صورته النهائية كانت النتيجة مبهرة لم
    أعرف نفسى بجد فى المراة .....الله يكون فى عونك يا عم عمر !!


    ورجعت
    البيت وانا أشعر انى امرأة جديدة وبيتى هو الاخر جديد وأشعر بانتعاش جميل
    .......وارتديت طقم كنت أرتديه ايام الخطوبة !! وتزينت و أدرت مسيقى ناعمة
    فى انحاء المنزل جلست فى انتظاره وكما توقعت جاء قبل ميعاده بنصف ساعة
    واول ما فتح الباب ورأى التغيير المدمر عاد خطوتين للخلف واتلخبط وكاد
    يرجع ويصرخ فى العمارة ( شقتى اتسرقت يا جدعااااااااان ) ثم دخل وظل صامتا
    للحظات وهو يقلب نظره بين الفرش وبينى وهو لا ينطق الا كلمة واحدة : ( ايه
    ده ايه ده ؟!! )


    - ثم اخيرا نظر الى باعجاب كبير جدا وقال ( يعنى مش تعبانة ولا حاجة .... طيب القمر دى مراتى ولا حد تانى يا مدام !! )

    -........


    - وأضاءت ملامح وجهه بالسعادة والحب وهو يهمس لى ( يا مجنونة كل ده عملتيه علشانى انا ؟ )

    - طبعا انت حبيبى ونفسى أشوفك سعيد معايا ....ان شاالله اهد الدنيا علشان تكون راضى عنى

    - ربنا يخليكى لى طووووووول العمر !!!






    الرجوع الى أعلى الصفحة اذهب الى الأسفل
    https://free4all.mam9.com
    free4all z admin
    Admin
    Admin
    free4all z admin


    ذكر
    الثور
    الديك
    عدد الرسائل : 3461
    العمر : 30
    موقع الإنترنت : free4all.mam9.com
    الهواية : الكمبيوتر و التكنولوجيا
    مدى النشاط بالمنتدى : يوميات عمر وساره بعد الجواز الحلقة العاشرة 31010
    مزاجي : يوميات عمر وساره بعد الجواز الحلقة العاشرة Za7ef10
    العمل : يوميات عمر وساره بعد الجواز الحلقة العاشرة Cook10
    السٌّمعَة : 2
    نقاط : 878
    تاريخ التسجيل : 11/12/2007

    بطاقة الشخصية
    الحقل الأول: 50
    الحقل الأول: 50

    يوميات عمر وساره بعد الجواز الحلقة العاشرة Empty
    مُساهمةموضوع: رد: يوميات عمر وساره بعد الجواز الحلقة العاشرة   يوميات عمر وساره بعد الجواز الحلقة العاشرة Icon_minitimeالخميس سبتمبر 25, 2008 3:15 pm

    مستني الردود يا أحسن أعضاء
    الرجوع الى أعلى الصفحة اذهب الى الأسفل
    https://free4all.mam9.com
    the champ
    عضو فعال
    عضو فعال
    avatar


    ذكر
    السمك
    الثور
    عدد الرسائل : 272
    العمر : 39
    موقع الإنترنت : www.free4all.mam9.com
    الوسام 1 : يوميات عمر وساره بعد الجواز الحلقة العاشرة Ebda4e_4
    السٌّمعَة : 0
    نقاط : 19
    تاريخ التسجيل : 01/05/2008

    يوميات عمر وساره بعد الجواز الحلقة العاشرة Empty
    مُساهمةموضوع: رد: يوميات عمر وساره بعد الجواز الحلقة العاشرة   يوميات عمر وساره بعد الجواز الحلقة العاشرة Icon_minitimeالأحد سبتمبر 28, 2008 11:10 am

    ألف شكر على الحلقات المسلية
    الرجوع الى أعلى الصفحة اذهب الى الأسفل
    MEDO KILL
    VIP
    VIP
    MEDO KILL


    ذكر
    الدلو
    الخنزير
    عدد الرسائل : 864
    العمر : 29
    موقع الإنترنت : www.free4all.mam9.com
    الهواية : السباحة
    مدى النشاط بالمنتدى : يوميات عمر وساره بعد الجواز الحلقة العاشرة 21010
    الوسام 1 : يوميات عمر وساره بعد الجواز الحلقة العاشرة Vbfs2
    مزاجي : يوميات عمر وساره بعد الجواز الحلقة العاشرة Za7ef10
    العمل : يوميات عمر وساره بعد الجواز الحلقة العاشرة Plumbe10
    السٌّمعَة : 0
    نقاط : 173
    تاريخ التسجيل : 11/01/2008

    بطاقة الشخصية
    الحقل الأول: 50
    الحقل الأول: 50

    يوميات عمر وساره بعد الجواز الحلقة العاشرة Empty
    مُساهمةموضوع: رد: يوميات عمر وساره بعد الجواز الحلقة العاشرة   يوميات عمر وساره بعد الجواز الحلقة العاشرة Icon_minitimeالثلاثاء سبتمبر 30, 2008 2:29 pm

    :مشكور أخي و جزعلى اليوميات
    الرجوع الى أعلى الصفحة اذهب الى الأسفل
    http://www.free4all.mam9.com
     
    يوميات عمر وساره بعد الجواز الحلقة العاشرة
    الرجوع الى أعلى الصفحة 
    صفحة 1 من اصل 1
     مواضيع مماثلة
    -

    صلاحيات هذا المنتدى:لاتستطيع الرد على المواضيع في هذا المنتدى
    منتديات free4all :: litreture... المنتدى الادبي :: Poem قسم الشعر-
    انتقل الى: